بدك سلطه بالطحينيه .. ومش مكلفه.. ادن اتفضلي

الرحمن الرحيم.... اولا الطحينه من السلطات المحببه جدا وبالخصوص مع المشويات ولكن لو عندك عزومه وعامله اكل محتاج انك تعملى معاه سلطة طحينه هتروحى تجيبى طحينه بكام عشان تعملى كميه مناسبه .... وانتم عارفين الطحينه سعرها فى الطالع انا حقولكم بعملها ازاى وبرضو انا عارفه ان فى ناس كتير بتعملها كده بس انا بكتبها للى معندهاش فكره او للى متعوده تعملها بالمايه والطحينه الخام وبس .... الطريقه دى هتخليكى تعملى طبق كبير من سلطة الطحينه بنصف كميه الطحينه اللى كنتى متعوده تعملى بيها نفس الطبق واليكم الطريقه :- 2 فنجان طحينه عليهم فنجان من الدقيق وتضعى عليهم الماء اللى يحركهم فى التقليب وبالقوام اللى تحبيه وتضعى عليهم ربع فنجان خل ونصف ليمونه واربع فصوص من الثوم المدقوق وكمون وشطه وملح وتقلبيها جيدا جدا وتتذوقيها وهى عادتا ممكن تكون محتاجه لملح او لزياده من الليمون والكمون لانها بتحب الكمون هو اللى بيطعمها وبعد ما تقلبيها جيدا وتظبطى قوامها اللى بترغبى فيه تضعى عليها فنجان من الزيت ... ملحوظه ... قبل التقديم دفيها على النار بيكون طعمها حلو او وهى دافيه وضعى عليها شويه زيت وقلبيها جيدا وبألف هنا وعلى فكره انا ما بكتب موضوع الا بعد التجربه الشخصيه وعلى فكره فيكى انك ممكن تزودى قليل من الدقيق لو خفت منك غصب عنك او حبيتى تكترى الكميه شويه ومتنسيش انها بتحب الكمون والليمون