اولا خليط الزيوت (من عند العطار):
*عبوتين زيت آس(واسمه برضه الياس او مارسين)
انتبهوا لو العطار قلكم انه ريحان يبقى مش هو لان الريحان حاجه والآس حاجه تانيه
*عبوه زيت بذر العنب
*عبوه زيت شبت
*عبوه زيت بندق
*ب5 جنيه زيت خروع
*عبوة زيت الارقطيون
*عبوه زيت الجرجير
*بحوالي 6 جنيه زيت سمسم
*ب5 جنيه زيت زيتون
*عبوه زيت لوز حلو
** العبوه حوالي30 مل
انا زودت على خليط الزيوت دا علبة فيتامين e ملقبتش سائل جبت من الصيدليه علبه فيها شريطين ب20 جنيه
وقصيت راس كل حبايه وحطيتها في الزيت لان معروف ان الفيتامين دا صاااااااااااااااااروخ تطويل الشعر فزيادة الخير خيرين
الطريقه:
بعد خلط الزيوت دي +علبة الفيتامين اهم حاجه نكون حريصين على عدم هدر الزيت مش نحط كميه كاننا
بنكب زيت في ايدنا لا نحط شوية زيت في طبق ولا حاجه وبطراطيف صوابعنا نبلهم وندهن فروة الراس وندلك براحه وبعدين نجيب مشط ونسرح وبكدا يوصل الزيت لاطراف الشعر من غير ما نهدره (دي نصيحه من العطار+شرب كوب حليب يوميا صباحا)
وبعدين حطي فوطه سخنه على شعرك وسيبيها من 45 دقيقه لساعه (انا بنام بيها )
وتاني يوم اغسلي شعرك انا عن نفسي بستخدم صابونة غار لغسله مفيده برضه للشعر وبتتجاب من عند العطار برضه
** انا برضه جبت من عند العطار ورق آس ناشف بعد ما باخد دش اكون غليت شوية ورق آس على النار ولما تدفى اشطف بيها شعري شطفه اخيره ومغسلهوش بعدها بميه والله مفييييييييييييييد اوي يا فتوكات خاصة لاطالة الشعر
** وعلى فكره انا بستخدم حنه من اختراعي برضه حقولكوا عليها اذا لقيت تجاوب باذن الله لاني اولا واخيرا عمله الموضوع دا ليكم لاني كدا كدا بجرب في نفسي ودعواتكم بقى
يعني عمله جدول يوم زيت يوم راحه يوم حنه يوم راحه وهكذا
اتمنى الموضوع يكون فيه فايده ليكم
** اه نسييييييييييييييت العبوه حوالي 30مل