بيتزا الستافت كراست

السلام عليكم ورحمة الله
النهارده هعرض عليكم طريقة عمل الستافت كراست<الطروف المثنيه والمحشوه بالجبنه>
الطريقه:
1-بتجهزى العجينه بالطريقه المعتاده 2 كوب دقيق-1/8كوب زيت ذره-بيضه خميره-م ص سكر ذرة ملح -ماء دافىء للعجن وبعدين تخلطى المقادير مع بعض وتسيبى العجينه تخمر.
2-نيجى للمهم بعد ما تخمر العجينه نفردها فى صينيه تيفال ونفضل نفرد لغاية ما نرفع أطراف العجينه على حافة الصيني بطول 2سم تقريبا
3-وبعدين نحط الجبنه الشيدر بسمك اصبع اليد عند حواف الصينيه وده طبعا بطول الصينيه
4-بعد كده ننزل العجينه من على حافة الصينيه ونقفل على الجبنه ممكن كمان نحشى بدل الجبنه سوسيس
ملحوظه:على فكره بتكون زى بتاعة بيتزا هت بالظبط
5-بعد كده بنضيف المكونات اللى احنا عاوزينها.
وبالهنا و الشفا